Director: Oliver Hirschbiegel
O filme narra os últimos días dun Adolf Hitler envellecido, paranoico e desconectado da realidade, encerrado no búnker de Berlín co seus últimos fieis mentres as tropas soviéticas avanzan sobre a cidade. Un Hitler obsesionado en castigar a unha Alemania á que considera traidora porque non estivo á altura do ideario nazi: "Podemos afundirnos", repetía, "pero levaremos a un mundo connosco".
Esta afirmación, así como o desenvolvemento dos acontecementos que narra a película, aparecen no libro do mesmo título, escrito por Joachim Fest, e que serviu de guía para a realización da película pola súa crónica apaixoante, exacta e espeluznante duns días que nunca antes foran abordados con tanto detalle.
Web oficial da película (en inglés)
No hay comentarios:
Publicar un comentario